धनकुटामा ट्याक्टर दुर्घटना,दुई जना घाइते
धनकुटा,२८ भदौ । धनकुटामा ट्याक्टर दुर्घटना हुंदा दुई जना घाइते भएका छन् ।
घाइते हुनेमा चालक सहिदभूमि गाउंपालिका २ का २३ बर्षिया सचिन शिवाको टाउकोमा चोट लागेको र उपचारको लागि जिल्ला अस्पताल धनकुटा तर्फ पठाइएको छ भने सह-चालक सोही स्थानका १८ बर्षिया खगेन्द्र परियार भने ट्याक्टरमा च्यापिएको अवस्थामा रहेकोमा ईलाका प्रहरी कार्यालय छिन्तांगबाट प्रहरी टोली खटि गई उद्धार गर्ने कार्य भइ रहेको जिल्ला प्रहरी कार्यालय धनकुटाले जनाएको छ ।
आज करिब ११:४५ बजे सहिदभूमि गापा ३ पन्चकन्या स्थित भित्री सडक खण्डमा सेती चौकबाट पन्चकन्या तर्फ आउदै गरेको को २ त ८६९९ नम्बरको ट्याक्टर अनियन्त्रित भई बाटोवाट अन्दाजी ८० मिटर तल खसेर दुर्घटना भएको प्रहरीले जनाएको छ ।
