सामाजिक अभियन्ता लाक्पा तामाङ रिहा
धनकुटा,२० कार्तिक । सामाजिक अभियन्ता लाक्पा तामाङ रिहा भएका छन् ।
गाली गलौज र साइबर अपराध मुद्दामा गत कार्तिक १७ गते पक्राउ परेका तामाङ आज रिहा भएका हुन् ।
जिल्ला अदालत धनकुटाले तामाङलाई उक्त दिन २० हजार धरौटी माग गरेपछि सो रकम नबुझाई कारागार चलान भएका थिए ।
अभियन्ता तामाङको रिहाइका लागि श्रम संस्कृति पार्टी धनकुटाको अगुवाईमा जिल्लाको भेडेटार,हिले,पाख्रिबास,सिंधुवा लगायतका स्थानमा स्वेच्छिक रुपमा आर्थिक सहयोग संकलन गरिएको थियो ।
उक्त संकलित रकमबाट आज धरौटी बुझाइएपछि अभियन्ता तामाङलाई जिल्ला कारागार धनकुटाबाट रिहा गरिएको श्रम संस्कृति पार्टी धनकुटाका अध्यक्ष जितेन्द्र मांग्पाहांग राईले जानकारी दिए ।
