धनकुटामा एमालेको जनप्रदर्शनलाई सम्बोधन गर्दै मुख्यमन्त्री कार्कीले भने : वर्तमान सरकारले चुनाव गराउँदैन
धनकुटा,२९ कार्तिक । नेकपा एमालेका स्थायी कमिटी सदस्य एवम् कोशी प्रदेशका मुख्यमन्त्री हिक्मतकुमार कार्कीले अहिलेको सरकार चुनाव गराउन भन्दा पनि वर्तमान संविधानलाई खारेज गर्ने पक्षमा रहेको बताएका छन् ।
नेकपा एमाले धनकुटाले धनकुटामा आज गरेको जनप्रदर्शन कार्यक्रमलाई सम्बोधन गर्दै नेता कार्कीले यस्तो बताएका हुन् । सरकार चुनाव गराउन भन्ने तर चुनाव गराउने भन्दा पनि राष्ट्रलाई कसरी असफल गराउने भन्ने तर्फ मात्र अहिलेको सरकार लागेको अरोप समेत लगाए ।
त्यस्तै नेता कार्कीले गौरीबहादुर कार्की नेतृत्वको छानबिन समितीमा एमाले अध्यक्ष केपी शर्मा ओली बयान दिन नजाने समेत प्रष्ट पारे सरकारले निष्पक्ष आयोग गठन गरे कानुन र विधीलाई सघाउन एमाले तयार भएको समेत उनको भनाई थियो ।
फरक प्रसंगमा बोल्दै नेता नेता कार्कीले माधवकुमार नेपालले नेपालको कम्युनिष्ट आन्दोलनलाई सबैभन्दा बढी धोका दिएकोले नेपालले गरेका यस्ता कार्य क्षमा दिन समेत नसकिने भएको बताए ।
धनकुटाको सभालाई एकिकृत समाजवादीबाट समायोजन भएर एमालेका आएका केन्द्रिय सदस्य तथा धनकुटा जिल्ला अध्यक्ष अर्जुन राई, केन्द्रिय सदस्य तथा पूर्व मन्त्री राजेन्द्र कुमार राईले सम्बोधन गरेका थिए ।
कार्यक्रमको संचालन नेकपा एमाले धनकुटाका सचिव पर्शूराम नेपालले गर्नु भएको थियो भने कार्यक्रमको अध्यक्षता जिल्ला अध्यक्ष शिव आङलाले गर्नु भएको थियो ।
