आठपहरिया राईहरुको मुख्य चाड वडाङ्गमेट सम्पन्न
धनकुटा, ३ मंसिर । धनकुटा जिल्लाको धनकुटा नगरपालिका र आसपासमा मुख्य बसोबास रहेको आठपहरिया राई जातिके मुख्य चाड
वाडाङ्गमेट सकिएको छ ।
यो चाड १५ दिन सम्म पितृको संम्झना गर्दै मनाइने गरिन्छ । धनकुटा नगरपालिकाको सान्ताङ्ग, बेलाहारा, छारागाउँ, भीरगाउँ लगायत आठपहरीया बस्तीहरुमा यो चाड मनाइएको हो ।
यस चाडमा वर्षदिन भरी आफन्त गुमाएका परिवारले शुद्धिशान्ति गर्ने, परिवार चोखिने र नाचगान गर्ने चलन रहेको छ । यस पर्वमा धनकुटा देखि हिड्दै बराहक्षेत्रमा गएर नुहाउने तथा परिवारका सदस्यको मृत्यूको पिडा कोकाहा खोला र तमोरमा बगाउने समेत गरिदै आइएको छ ।
अरुले निर्माण गरेको पाटी तथा भवन प्रयोग गर्न नमिल्ने यो चाडमा अन्य समयमा गाउँन नमिल्ने मुन्धुम गाउँने चलन आठपहरियाहरुको रहेको छ । राँगाको मासु, कुभिन्डो र फिलुगेंको अचार यो पर्वमा मुख्य गरि खाने चलन रहेको छ भने नाचगान समेत गरिन्छ ।
