धनकुटाको सहिदभूमि र चौबिसेमा सहित भोजपुरमा गाँजाको बोट तथा बिरुवा फडानी गरी नष्ट
विराटनगर, मंसिर ०४ गते । भोजपुर र धनकुटा जिल्लाको बिभिन्न स्थानहरुमा प्राकृतिक रुपमा आफै उम्रिएका तथा रोपिएका गाँजाको बोट तथा बिरुवाहरु प्रहरीले फडानी गरि नष्ट गरेको छ ।
मंसिर ०३ गते धनकुटाको इलाका प्रहरी कार्यालय छिन्ताङ र अस्थायी प्रहरी पोष्ट मौनाबुधुकबाट खटिएको प्रहरी टोलीले सहिदभुमी र चौबिसे गाँउपालिकाका डाँडापाखामा करिव ६ रोपनी क्षेत्रफलमा रहेको १ हजार ६ सय ३५ वटा गाँजाको बोट तथा बिरुवाहरु फडानी गरेर नष्ट गरेको छ ।
त्यसैगरि भोजपुरको इलाका प्रहरी कार्यालय घोडेटार, प्रहरी चौकी हसनपुर र अस्थायी प्रहरी चौकी दुम्मानाबाट खटिएको प्रहरी टोलीले हतुवागडी र आमचोक गाउँपालिकाका बिभिन्न स्थानका करिव ५ रोपनी क्षेत्रफलमा रहेका ६ सय वटा गाँजाको बोट तथा बिरुवाहरु फडानी गरि नष्ट गरेको छ ।
