कोशी प्रदेश प्रहरीको जिम्मेवारी डीआईजी घिमिरेलाई
विराटनगर । कोशी प्रदेश प्रहरी कार्यालय विराटनगरको नेतृत्व डीआईजी विनोद घिमिरेले पाएका छन्।
गृहमन्त्री ओमप्रकाश अर्यालको निर्देशनमा सोमबार तीन जना डीआईजीको सरुवा भएको प्रहरी प्रधान कार्यालयले जनाएको छ।
अघिका प्रदेश प्रहरी प्रमुख ईश्वर कार्की एआईजीमा बढुवा भएपछि रिक्त भएको पदमा घिमिरेलाई जिम्मेवारी दिइएको हो। उनी यसअघि प्रहरीका केन्द्रीय प्रवक्ता थिए।
यससँगै डीआईजी दिलिप सिंह देउवा प्रदेश समन्वय विभाग र डीआईजी दीपककुमार बस्नेत महिला, बालबालिका तथा जेष्ठ नागरिक सेवा निर्देशनालयमा सरुवा भएका छन्।
