लैँगिक हिंसा सामुहिक समस्या : उपप्रमुख कोईराला
बेलबारी । लैँगिक हिंसा कसैले निजि पिडा मात्र नभएर यो समाजको सामुहिक समस्या भएको बेलबारी नगरपालिकाकी उपप्रमुख नितु थापा (कोईराला) ले बताएकी छिन ।
सबै समुदायलाई समान रुपमा ब्यबहार गर्न नसकिएसम्म हिंसा अन्त्य नहुने समेत उनले बताएकी छिन । लैँगिक हिंसा बिरुद्धको १६ दिने अभियान उदघाटनका क्रममा बेलबारी नगरपालिकामा आयोजित उदघाटन तथा अन्त्रक्रिया कार्यक्रममा उनले यस्तो धारणा राखेकी हुन ।
कार्यक्रममा बेलबारी नगरपालिकाका प्रमुख दिलप्रसाद राई ईलाका प्रहरी कार्यलय बेलबारीका प्रमुख राजिब गिरी लगायतले आफना धारणा राखेका थिए । कार्यक्रममा जनप्रतिनिधि तथा बिभिन्न संघसंस्थामा क्रियाशिल महिलाहरुको बाक्लो उपस्थिति रहेको थियो ।
