सहिदभूमि-२ छिन्ताङ्ग धनकुटामा भलिबल प्रतियोगिता हुने
नरेन्द्र कश्चित/धनकुटा,१९ मंसिर । धनकुटाको सहिदभूमि गाउँपालिका वडा नं.-२ को ढोलमुखामा दोस्रो पालिका स्तरीय खुल्वा पुरुष भलिबल प्रतियोगिता मंसिर २४ गतेदेखि संचालन गरिने कार्यक्रम संयोजक अनिश राईले बताए ।
किराँत राई समुदायको मारुनी नाँच एवं सरस्वती पूजाको अवसरमा सहिदभूमि-२ को खाल्साथुम छिन्ताङ्ग युवा क्लबद्वारा उक्त भलिबल प्रतियोगिता संचालन गर्न लागेको हो ।
सहिदभूमि-२ को ढोलमुखा टोलमा संचालन हुने भलिबल प्रतियोगिताको विजेता टिमलाई नगद रु १ लाख १ हजार १ सय ११ रुपैया,ट्रफी,मेडल,प्रमाणपत्र र उप-विजेता हुने टिमलाई नगद रु ५५ हजार ५ सय ५५ रुपैया,ट्रफी,मेडल,प्रमाणपत्र प्रदान गरिने आयोजक खाल्साथुम छिन्ताङ्ग युवा क्लबका निवर्तमान अध्यक्ष एवं प्रतियोगिताका संयोजक अनिश राईले बताए ।साथै खेलको विभिन्न विधामा नगद सहित मेडल र प्रमाणपत्र समेत प्रदान गरिने खाल्साथुम छिन्ताङ्ग युवा क्लबका सल्लाहकार तिर्थ राईले बताए ।
भलिबल प्रतियोगिता मंसिर २६ गते समापन हुने आयोजकले बताएको छ ।
