धनकुटाको सांगुरीगढीमा विद्यालयको स्तरोन्नतिका लागि ‘सिंहकाली मेला–२०८२’ सुरु
हिराराज राई,धनकुटा । धनकुटा जिल्लाको साँगुरीगढी गाउँपालिका–९, आहालेस्थित श्री सिंहकाली माध्यमिक विद्यालयको स्तरोन्नतिका लागि संचालन भएको ‘सिंहकाली मेला–२०८२’ को उद्घाटन शनिबार साँगुरीगढी गाउँपालिकाका अध्यक्ष जितेन्द्र राईले गरेका छन्। मेला मंसिर २० देखि २५ गतेसम्म सञ्चालन हुनेछ।
मेला समितिका अनुसार कार्यक्रमलाई आकर्षक बनाउन विभिन्न खेलकुदहरू राखिएका छन्।
उद्घाटन समारोहमा प्रमुख अतिथि साँगुरीगढी गाउँपालिकाका अध्यक्ष जितेन्द्र राई, विशेष अतिथि महेन्द्र बहुमुखी क्याम्पसका प्रधानाध्यापक डा. जीवनकुमार राई, मेला समितिका अध्यक्ष सन्तोष राई तथा अन्य सम्मानित अतिथिहरूको उपस्थिति रहेको थियो।
समारोहकै क्रममा अध्यक्ष कोष ‘अमशोटी बाँचेदाश राई स्मृति छात्रवृत्ति कोष’ अन्तर्गत रु. २ लाख रुपैयाँको चेक दिलबहादुर राई र डा. जीवनकुमार राईले संयुक्तरूपमा विद्यालय व्यवस्थापन समिति अध्यक्ष नरेन्द्रकुमार राईलाई हस्तान्तरण गरेका छन्।
मेला साँगुरीगढी–९, आहालेस्थित मेलाचौर देरालीमा भव्य रूपमा सञ्चालन भइरहेको छ।
