लेटाङमा खोले पकाउने क्रममा आगलागी, गोठमा क्षति
लेटाङ, ४ पुष । लेटाङ नगरपालिका वडा नं. ६ गुवाबारी देउजेका निवासी मोहन चापागाईको गोठमा आज बिहान आगलागी भएको छ।
खोले पकाउने क्रममा एक्कासी आगो सल्कँदा गोठमा भण्डारण गरिएको पराल जलेर नष्ट भएको हो।
लेटाङ नगरपालिकाको दमकल तथा स्थानीयवासीहरूको सक्रिय प्रयासले आगलागी फैलिन नपाउँदै नियन्त्रणमा ल्याइएको स्थानीय समाजसेवी मिना श्रेष्ठ लिम्बुले जानकारी दिनुभयो। उहाँका अनुसार समयमै गरिएको उद्धारका कारण थप ठूलो क्षति हुनबाट जोगिएको छ।
हाल आगलागी पूर्ण रूपमा नियन्त्रणमा आइसकेको छ भने कुनै मानवीय क्षति नभएको जनाइएको छ।
