मोरङमा टिपरबाट माटो झार्ने क्रममा करेन्ट लागेर सहचालकको मृत्यु
विराटनगर । मोरङमा टिपरबाट माटो झार्ने क्रममा करेन्ट लागेर शुक्रबार अपरान्ह सहचालकको मृत्यु भएको छ ।
ग्राथमान गाउँपालिका–१ सरस्वती स्कुल पछाडि सुनसरी–मोरङ सिँचाइ आयोजनाको नहरछेउमा घटना भएको हो ।
मोरङ प्रहरी प्रवक्ता डीएसपी कोपिला चुँडालका अनुसार को १ ख ५०४९ नम्बरको टिपरबाट मोटो झार्ने क्रममा बिहान १० बजेतिर घटना भएको थियो ।
माटो झार्ने क्रममा टिपरको हाइड्रोलिकले ११ हजार भोल्टको विद्युत लाइनको तारमा छोएको उनले बताइन् ।
