विराटनगर बसपार्क होटलबाट २० वर्षीय युवक मृत फेला, सँगै रहेकी युवती पक्राउ
विराटनगर । मोरङको विराटनगर महानगरपालिका–११ स्थित बसपार्कको एक होटलमा एक युवक मृत अवस्थामा फेला परेका छन् ।
मोरङ प्रहरीले बिहीबार दिउँसोतिर २० वर्षीय एक युवकलाई बसपार्कस्थित एक होटलमा मृतावस्थामा फेला पारेको हो ।
प्रहरीले उनीसँगै रहेकी एक युवतीलाई पनि नियन्त्रणमा लिएको छ । युवतीले नै दिएको सूचनाका आधारमा प्रहरीले युवकको शव फेला पारेको हो । तथापि, यस विषयमा अनुसन्धान भइरहेका कारण प्रहरीले विस्तृत विवरण भने खुलाएको छैन ।
शवको पोस्टमार्टम विराटनगरस्थित कोशी अस्पतालमा भइरहेको प्रहरीले जनाएको छ ।
