धनकुटामा पूर्वमन्त्री राई सहित १७ जना उम्मेदवार चुनावी मैदानमा,यस्तो हुनेछ मतपत्र(नमुना सहित)
धनकुटा । धनकुटामा प्रतिनिधि सभा निर्वाचनका लागि राजनीतिक दल र स्वतन्त्र सहित १७ जना उम्मेदवार चुनावी मैदानमा छन् ।
जस अनुसार नेकपा एमालेबाट राजेन्द्र कुमार राई, नेपाली काँग्रेसबाट दिनेश राई, नेपाली कम्युनिष्ट पार्टीबाट धर्मराज पौडेल, राष्ट्रिय प्रजातन्त्र पार्टीबाट बिभत्सु थापा र राष्ट्रिय स्वतन्त्र पार्टीबाट दिनेश भण्डारी,नेपाल मजदुर किसान पार्टीबाट उत्तम सामकर्मी, श्रम संकृति पार्टीबाट सान बहादुर राई, आम जनता पार्टीबाट प्रेम बहादुर थापा, संघीय लोकतान्त्रिक राष्ट्रिय मञ्चबाट बालकुमारी ताम्ली र जनता समाजवादी पार्टीबाट निशान राई चुनावी मैदानमा छन् ।
यस्तै नेपाल कम्युनिष्ट पार्टी (माओवादी) बाट रविन कुमार राई, जनता समाजवादी पार्टी नेपालबाट आइत राज लिम्बु, राष्ट्रिय परिवर्तन पार्टीबाट सालिकराम राई र मंगोल नेशनल अर्गनाइजेशनबाट सागर राई रहेका छन् ।
यसैगरि स्वतन्त्र उम्मेदवारी दिनेमा मनकुमार योञ्जन, जितेन्द्र राई र लाक्पा तामाङ रहेका छन् ।
निर्वाचन आयोगले विभिन्न निर्वाचन क्षेत्रको वास्तविक मतपत्रको नमुना सार्वजनिक गरेको छ । जसअनुसार धनकुटाको मतपत्र पनि सार्वजनिक गरिएको छ ।
हेर्नुहोस् नमूना मतपत्र :
