धनकुटाको उत्तरपानी धर्मशाला होमस्टेमा ७ दिने डम्फू बजाउने तालिम शुरु
धनकुटा । धनकुटाको उत्तरपानी धर्मशाला सामुदायिक होमस्टेमा मौलिक संस्कृति मार्फत पर्यटन प्रवद्र्धन गर्ने उदेश्यले ७ दिने डम्फू बजाउने तालिम वुधवार देखि शुरु भएको छ ।
उत्तरपानी धर्मशाला सामुदायिक होमस्ट संचालन समितिको आयोजनामा शुरु भएको ७ दिने डम्फू बजाउने तालिमममा होमस्टेमा आवद्ध ५ जना पुरुष सहित १७ जनाले भाग लिईरहेका छन् । तालिमको उद्धघाटन पाख्रीवास नगरपालिका वडा नं.९ का वडाध्यक्ष सम्झना आले मगरले गरेकी थिईन ।
तालिमको उद्धघाटन गर्दै अध्यक्ष आलेले भनिन्–‘तामाङ संस्कृतिलाई होमस्टे मार्फत प्रचार प्रसार गरेर होमस्टेमा पर्यटन भित्र्याउने पर्दछ ।‘ उनले तामाङको डम्फू सेलो र मगरको हुर्रा नाचलाई होमस्टेमा वडाको तर्फबाट प्रवद्र्धनका कार्यक्रम निरन्तर रुपमा अघि वढाउँदै आएको बताईन ।
त्यसैगरी यूवा समाजसेवी एवं नेपाल तामाङ घेदुङका पुर्व जिल्ला स–सचिव धनवहादुर मोक्तानले होमस्टेलाई पर्यटकको आकर्षण केन्द्र बनाउन डम्फू सेलो कोसेढुङ्गा साबित हुने बताए । उनले होमस्टेमा आउने पर्यटकहरुलाई डम्फू सेलो मार्फत मनोरञ्जन दिलाएर अघि वढ्न सके तामाङ संस्कृतिले पनि आर्थिक उपार्जन गर्न सक्ने बताए ।
तालिममा समाजसेवी बुद्धिजीवीहरु ज्य बहादुर मोक्तान, यज्ञ घिसिङ, शुभचन्द्र मोक्तान, बालशीक्षा प्रावी लिसुम्बुका व्यवस्थापन समिति अध्यक्ष नेत्र बहादुर ठाडा मगर , श्याम योञ्जन लगायतले कार्यक्रम सफलताको शुभकामना दिनुभएको थियो ।
तालिमको सहजिकरण नेपाल तामाङ घेदुङका पुर्व जिल्ला सचिव एवं तामाङ पत्रकार संघ १ नम्बर प्रदेशका संस्थापक अध्यक्ष सन्तवीर लामाले गरिरहेका छन् । तालिमको उद्धघाटन उत्तरपानी धर्मशाला सामुदायिक होमस्टे संचालक समितिका अध्यक्ष दिलु तामाङको अध्यक्षतामा सम्पन्न भएको थियो ।
