धनकुटाबाट ४३ केजी बढी लागुऔषध गाँजा सहित एक जना पक्राउ,मोटरसाइकल छोडेर दुई फरार
धनकुटा,१९ चैत । धनकुटाबाट लागु औषध गांजा सहित एक जना पक्राउ परेका छन् भने दुई जना मोटरसाइकल छोडेर फरार भएका छन् ।
हिजो दिउंसो प्रहरी चौकी मुलघाटबाट खटिएको प्रहरी गस्ती टोलीले धनकुटा नगरपालिका वडा नम्बर ९ स्थित त्रिवेणी- मुलघाट भित्री सडकमा त्रिवेणीबाट मुलघाट तर्फ आउदै गरेको प्रदेश १-०२-०४७ प ६९८१ नम्बरको मोटरसाइकल र सोहि दिशाबाट आउदै गरेको को २१ प ९५६५ नम्बरको मोटरसाइकलमा सवार व्यक्तिहरुले प्रहरीको गस्ती टोली देखेपछि मोटरसाइकल छोडी भाग्ने क्रममा प्रदेश १-०२-०४७ प ६९८१ नम्बरको मोटरसाइकल चालक शहिदभूमी गाँउपालिका वडा नम्बर ७ बस्ने अन्दाजी २२ बर्षिय शुसान भन्ने सुदिप राईको मोटरसाइकलमा बाधेको जेब्रा झोला खोली हेर्दा लागु औषध गाँजा अन्दाजी १९.८५० के.जी गाँजा (झोला सहित) पक्राउ गरिएको जिल्ला प्रहरी कार्यालय धनकुटाले जनाएको छ ।
त्यस्तै को २१ प ९५६५ को मोटरसाइकलमा बाधेको जेब्रा खोली हेर्दा लागु औषध गाँजा अन्दाजी २४.१४० के.जी. गाँजा (झोला सहित) नियन्त्णमा लिइएको छ भने उक्त मोटरसाइकलमा सवार दुई जना फरार रहेको र खोजतलास भइरहेको प्रहरीले जनाएको छ ।
पक्राउ परेकाको जिल्ला अदालत धनकुटाबाट ७ दिन म्याद थप गरि अनुसन्धान भइरहेको प्रहरीले जनाएको छ ।
