धनकुटामा अनुगमन समितिद्वारा विभिन्न स्थानमा सञ्चालन भइरहेका ढुङ्गाखानी तथा नदीजन्य पदार्थ उत्खनन क्षेत्रको अनुगमन
धनकुटा । नदीजन्य तथा खानीजन्य पदार्थ जिल्ला अनुगमन समितिले विभिन्न स्थानमा सञ्चालन भइरहेका ढुङ्गाखानी तथा नदीजन्य पदार्थ उत्खनन क्षेत्रको अनुगमन गरेको छ ।
समितिका पदाधिकारीहरूले शहिदभूमि गाउँपालिका–७ मा रहेको ढुङ्गाखानी तथा धनकुटा नगरपालिका–९ स्थित खंशुवा खोलाको स्थलगत अनुगमन गरेका हुन् ।
अनुगमनका क्रममा उत्खनन कार्यको अवस्था, मापदण्ड पालना तथा वातावरणीय प्रभावबारे निरीक्षण गरिएको जनाइएको छ । समितिले सम्बन्धित पक्षलाई कानुनी प्रावधान र तोकिएका मापदण्डअनुसार कार्य सञ्चालन गर्न निर्देशनसमेत दिएको बताइएको छ ।
अनुगमन कार्य समितिका पदाधिकारीहरूको उपस्थितिमा सम्पन्न भएको थियो ।
