धनकुटाबाट भरुवा बन्दुक सहित एक युवक पक्राउ
धनकुटा । धनकुटा नगरपालिका–९ खुलाल टोलबाट प्रहरीले एक नाले भरुवा बन्दुकसहित एक युवकलाई नियन्त्रणमा लिएको छ।
जेठ २० गते बिहान ३ः४० बजे अस्थायी प्रहरी पोस्ट बेलहाराबाट खटिएको प्रहरी टोलीले सोही स्थानका २३ वर्षीय विजय राईलाई भरुवा बन्दुकमा छर्रा लोड गरी बोकी हिँडिरहेको अवस्थामा फेला पारी नियन्त्रणमा लिइएको जिल्ला प्रहरी कार्यालय धनकुटाले जनाएको छ ।
घटनापछि राईविरुद्ध हातहतियार तथा खरखजाना सम्बन्धी मुद्दा दर्ता गरिएको छ।
पक्राउ परेकाको जिल्ला अदालत धनकुटाबाट सात दिनको म्याद थप गरी घटनाबारे थप अनुसन्धान भइरहेको प्रहरीले जनाएको छ।
