आजवाट रास्वपाको बन्द सत्र सुरू
चितवन, ८ असार । राष्ट्रिय स्वतन्त्र पार्टीको प्रथम महाधिवेसनको बन्द सत्र आजवाट सुरू हुदैँछ ।
आज महाधिवेसनको पहिलो दिनको बन्द सत्रमा पाँचवटा प्रतिवेदन प्रस्तुत गरिदैँ छ । जसअनुसार सभापति रवि लामिछानेले राजनीतिक प्रतिबेदन, महामन्त्रीद्दय कबिन्द्र बुर्लाकोटी र भुपदेश शाहले सांगठानिक प्रतिबेदन, लेखा प्रतिवेदन कोषाध्यक्ष लिमा अधिकारीले प्रस्तुत गर्नेछिन ।
साथै, निर्वाचन आयोगको प्रतिवेदन पार्टी निर्वाचन आयोग प्रमुख भुवन केसी र अनुशासन आयोगको प्रतिवेदन आयोग प्रमुख रमाकान्त रिमाल प्रस्तुत गर्ने कार्यतालिका रहेको महामन्त्री भुपदेव शाहले जानकारी दिएका छन् ।
हिजो उदघाटन सत्र सम्पन्न गरेको रास्वपाले जारी महाधिवेशनका लागि ४ हजार २११ जनाको प्रतिनिधित्व टुंग्याएको छ। जसअनुसार केन्द्रिय समिति, सात प्रदेश, प्रवास, समायोजन र मनोनयन गरी आजवाट सुरू हुने महाधिवेसनमा ४
हजार २११ जना प्रतिनिधिले बन्द सत्रमा सहभागी हुनेछन् ।
केन्द्रिय समिति सदस्यसहित ३३ देशका प्रवास सम्पर्क विभागबाट १७० जना, सभापति लामिछानेबाट १३८ जना र समुहगत रूपमा पार्टी प्रवेश गरेका मध्ये १९२ थप सहित ४ हजार २११ पुगेको सङ्गठन विभाग सचिव शङ्कर श्रेष्ठले जानकारी दिए । उनका अनुसार कोशी प्रदेशबाट ३६४, मधेसबाट ६३०, बागमतीबाट ७९४, लुम्बिनीबाट ६२१, गण्डकीबाट ४५४, कर्णालीबाट ३४३ र सुदूरपश्चिमबाट ५०५ जना प्रतिनिधि सुनिश्चित भएको छ ।
साथै, महाधिवेशन प्रतिनिधिका रूपमा पालिका सभापति, क्षेत्रीय सभापति र उपसभापति, जिल्ला सभापतिसहित पाँच जना प्रतिनिधि प्रत्येक जिल्लावाट रहने भएका छन् भने प्रदेश समितिका सबै सदस्यहरू, प्रदेशस्तरीय विभाग, अनुशासन आयोग र सल्लाहकार परिषद्का पदाधिकारी पनि प्रतिनिधिको रूपमा चयन गरिएको छ ।
साथै, सबै केन्द्रीय सदस्य, केन्द्रमा रहेका ३८ वटा विभागबाट ११–११ जनाका दरले सदस्य तथा केन्द्रीय निर्वाचन आयोग, अनुशासन आयोग र लेखा आयोगबाट ११–११ जनाको प्रतिनिधित्व भएको छ।
प्रत्येक गाउँपालिकाबाट एक जना, नगरपालिकाबाट दुई जना, उपमहानगरपालिकाबाट तीन जना र महानगरपालिकाबाट २ जना तथा प्रदेश सम्पर्क विभागबाट तीन–तीन जना र जिल्ला सम्पर्क विभागबाट एक–एक जना प्रतिनिधि रहनेछन् ।
साथै, गत प्रतिनिधिसभा निर्वाचनमा रास्वपाका तर्फबाट पराजित तथा समानुपातिक सूचीमा रहेका देखी २०७९ सालको प्रतिनिधिसभा निर्वाचनमा पराजित समानुपातिक सूचीका र पार्टीमा सक्रिय व्यक्तिलाई पनि प्रतिनिधि बनाइएको छ। केन्द्रीय समितिमा नरहेका प्रतिनिधिसभा सदस्य पनि महाधिवेशन प्रतिनिधि भएका छन्।
र, आजवाट निर्वाचन प्रकिया पनि सुरू हुने निर्वाचन समितिले जनाएकाे छ ।
