रास्वपाको केन्द्रीय सदस्यमा कोशीबाट निशा मेहता सहित पाँच जना निर्वाचित
काठमाडौँ । राष्ट्रिय स्वतन्त्र पार्टी (रास्वपा) को केन्द्रीय सदस्यमा कोशी प्रदेशबाट निशा मेहतासहित पाँच जना निर्वाचित भएका छन्।
रास्वपा निर्वाचन आयोगले सार्वजनिक गरेको अन्तिम मतपरिणामअनुसार कोशी प्रदेशतर्फ निशा मेहताले सर्वाधिक एक हजार ८९१ मत प्राप्त गर्दै केन्द्रीय सदस्यमा निर्वाचित भएकी छन्।
त्यसैगरी, विश्वराज पोखरेलले एक हजार ४८६ मत प्राप्त गरी निर्वाचित भएका छन्। शोभा कार्कीले एक हजार २२९, कल्पना थापाले ९५१ र सुजाता तामाङले ८५६ मत प्राप्त गर्दै केन्द्रीय सदस्यमा स्थान सुरक्षित गरेका छन्।
रास्वपा निर्वाचन आयोगले बिहीबार उक्त अन्तिम मतपरिणाम सार्वजनिक गरेको हो।
