कम्युनिष्टहरूको एउटै पार्टी बनाउन झलनाथ खनालको प्रस्ताव
काठमाडौं, १४ असार । नेपाली कम्युनिष्ट पार्टीका सम्मानित नेता झलनाथ खनालले कम्युनिस्ट पार्टीहरू बिच एकता आजैवाट सुरू गर्न अनुरोध गरेका छन् ।
जननेता मदन भण्डारीको ७५ औँ जन्मजयन्तीको अवसरमा आयोजित कार्यक्रमलाई सम्बोधन गर्दै नेकपाका सम्मानित नेता खनालले सो प्रस्ताव अघि सारेका हुन् । लामो समयपछि दुई ठूला वामपन्थी दलका शिर्ष नेता तथा चार पुर्व प्रधानमन्त्री उपस्थित रहेको कार्यक्रममा उनले सो प्रस्ताव अघि सारेका हुन् ।
खनालले जेनजी हिंसा र आन्दोलन पछि समय र परिस्थितिले हिर्काउन थालेको भन्दै एकताको विकल्प नभएकोमा जोड गरे । ‘आजकै दिनबाट वामपन्थी एकतालाई दीर्घकालीन रूपमा अगाडि बढाउन पहल गरौं, पार्टी एकतासम्म जाउँ,’ उनको प्रस्ताव थियो ।
