संघीय संसदका तीन समितिको बैठक बस्दै
काठमाडौं, ४ साउन । संघीय संसद अन्तर्गतको तीन समितिको बैठक बस्दैँछ ।
संघीय संसद सचिवालय, सिंहदरवार परिसरमा उक्त बैठकहरू बस्नेछन्
जसअनुसार विधायन व्यवस्थापन समितिको बैठक दिउँसो २ः१५ बजेवाट सुरू हुदैँछ । जुन बैठकमा ऐन कार्यान्वयन मापन सम्बन्ध र विधायिकी अन्तरसम्बन्ध सम्बन्धमा छलफल गरिनेछ भने सार्वजनिक नीति तथा प्रत्यायोजित विधायन समितिको बैठकमा मधेश र बागमती प्रदेश अन्तर्गतका जिल्लाहरुमा गरिएको अनुगमनको समीक्षा गरिने भएको छ । जुन बैठ दिउँसो १ः०० बजेवाट सुरू हुनेछ ।
साथै, संघीयता सबलीकरण तथा राष्ट्रिय सरोकार समितिको बैठकमा संसदीय अध्ययन तथा अनुसन्धान महाशाखाद्वारा तयार पारिएको ‘राष्ट्रिय महिला आयोगको कार्य प्रभावकारिता सम्बन्धी अध्ययन’ प्रतिवेदनबारे छलफल हुने जनाइएको छ । जुन बैठक भने बिहान ११ः०० बजेवाट सुरू हुनेछ ।
