गोरखा फाईनाईन्सको शाखा भेडेटारमा !
धनकुटा खबर । गोरखा फाईनाईन्स प्रालि काठमाण्डौले धनकुटाको साँगुरीगढी गाउँपालिका स्थित पर्यटकीय नगरी भेडेटारमा आफ्नो २२ औं बैंकिङ्ग शाखा सन्चालनमा ल्याएको छ ।
उक्त शाखाको उत्घाटन संस्थाका अध्यक्ष महेन्द्रलाल राई,गाउँपालिका अध्यक्ष कुमारजंग याखा र होटल एशोसियसन भेडेटारका अधयक्ष लिलाराज लावतीले संयुक्त रुपमा उत्घाटन गरेका हुन् ।
सो अबसरमा बोल्दै प्रमुख अथिती याखाले गाउँपालिकामा बैंकिङ्ग सेवा प्रवाह गर्न आफ्नो संधै सहयोग रहने बताए । त्यस्तै अतिथी लावतीले उक्त फाईनाईन्सले भेडेटारको होटल ब्यसायमा लगानी र आर्थिक कारोबारमा सहयोग पु¥याउने बताए । सो अबसरमा फाईनाईन्सका अध्यक्ष राईले फाईनाईन्सको सुबिधा हरेक मानिसहरुको घर–घरमा पु¥याउन सुझाव दिए ।
पूर्वाञ्चलकै पर्यटकीय स्थलमा सन्चालनमा ल्याईएको उक्त शाखाले सागुरीगढी,चौबिसे गाउँपालका र आगन्तुक पर्यटकहरुलाई लक्षित गरेर सन्चालनमा ल्याइएको शाखा म्यानेजर जीवन राईले जानकारी दिए ।
उक्त शाखाबाट ऋण सेवा,एटिएम,मोवाईल बैंकिङ्ग,रेमिट्यान्स लगाएतका सेवा प्रवाह गरीने राईले धनकुटा खबरलाई जानकारी दिए ।
