धनकुटाका अभिकर्ताहरुलाई बीमा सम्बन्धि तालिम
धनकुटा खबर । गुराँस लाइफ इन्स्योरेन्स कम्पनी प्रालिले धनकुटाका अभिकर्ताहरुलाई बीमा सम्बन्धि तालिम दिएको छ ।
धनकुटा स्थित हिले शाखाको आयोजनामा सन्चालित उक्त १ दिन तालिममा प्रालिमा आवद्ध २१ नयाँ अभिकर्तालाई तालिम दिईएको शाखा प्रमुख लोका रिजालले बताए ।
उक्त तालिममा बिराटनगर शाखाका प्रमुख जितेन्द्र सुबेदी र ईटहरी उप–शाखाका अन्डर राईटिङ्ग रोशन निरौलाले प्रशिक्षण दिएका थिए ।
तालिममा प्रालिद्वारा सन्चालित गुराँस सावधिक जीवन बीमा, अग्रिम जीवन बीमा, बाल सुरक्षा बीमा, बैदेशीक रोजगार लगाएतका ११ प्रकारका बीमाका बारेमा तालिम दिएको प्रशिक्षक सुबेदीले जानकारी दिए ।
