अमेरिकाको पूर्वी क्षेत्रमा भीषण आँधी, कम्तीमा ६ जनाको मृत्यु, जनजीवन अस्तव्यस्त
एजेन्सी, फागुन १९ । अमेरिकाको पूर्वी क्षेत्रमा आएको भीषण आँधीका कारण त्यहाँको जनजीवन अस्तव्यस्त भएको छ भने कम्तीमा ६ जनाको मृत्यु भएको छ ।
१० लाखभन्दा बढी मानिस विद्युत् सेवाबाट बन्चित भएका छन् । रेलसेवा प्रभावित भएको छ ।
भारी वर्षा र हुरीका कारण २६ सयभन्दा बढी हवाई उडान रद्द गरिएको छ ।
बोस्नटको तटीय सडकमा समुद्रको पानी पसेको छ । भर्जिनियाका गर्भनरले आपकालीन अवस्थाको घोषणा गरेका छन् ।
उता, न्यूयोर्कको उत्तरी र पश्चिमी क्षेत्रमा ३० सेन्टिमिटरसम्मको हिमपात भएको जनाइएको छ ।
