आर्थिक कारोबारमा सक्षम बनाउन धनकुटाका सहकारीलाई ५ दिने वित्तिय तालिम
धनकुटा खबर । आर्थिक कारोबारमा सक्षम बनाउन धनकुटाका सहकारीहरुलाई ५ दिने बित्तिय वयबस्थापन तालिम दिईएको छ । सेन्टर फर माइक्रोफाइनान्स (सिएमएफ) को आयोजनामा बुधबारदेखि शुरु भएको तालिमको जिल्ला सहकारी संघका अध्यक्ष सुनदरबाबु श्रेष्ठले उत्घाटन गरेका छन् ।
‘सहकारी संस्थाको सुशासन र वित्तिय व्यवस्थापनमा गुणात्मक सुधार, संस्थागत विकासको मुल आधार भन्ने मुल आधार’ भन्ने मुल नाराका साथ सुरु भएको तालिममा २६ गते सम्म सन्चालन हुनेछ ।
जिल्ला सहकारी संघको समन्वयमा तथा उन्नती एक्सेस अफ फाइनान्स कार्यक्रम र नेपाल राष्ट्र बैंकको सहयोगमा सो तालिम सञ्चालन गरिएको उक्त तालिममा धनकुटा जिल्लाका विभिन्न सहकारीका ३० जनाको सहभागिता रहने छ ।
सिएमएफका वरिष्ठ तालिम अधिकृत रुद्र पराजुली लगाएत बिभिन्न बिज्ञहरुले सुशासन, लेखा व्यवस्थापन, वित्तिय व्यवस्थापन, सञ्चालकको जिम्मेवारी, कोष व्यवस्थापन, वर्तमान सहकारी ऐन, सहकारीको व्यवस्थापन बारे जानकारी तालिम दिनेछ ।
कार्यक्रममा पूर्वसभासद अन्जना ताम्ली, नेपाल प्रेस युनियनका केन्द्रिय उपाध्यक्ष विजयसन्तोषी राई, नेपाल पत्रकार महासंघ धनकुटाका अध्यक्ष राजेश्वर बहादुर श्रेष्ठ, बचत सहकारी संघ धनकुटाका जिल्ला अध्यक्ष लगाएतले मन्तब्य राखेका थिए ।
