धनकुटामा ‘स्पर्श हेल्थ होम फिजियो थेरापी एण्ड रिह्याविलिटेशन सेन्टर’ सञ्चालन
धनकुटा खबर । कोशी पहाडी जिल्लाहरु धनकुटा, भोजपुर संखुवासभा र तेह्रथुमका विरामीहरुलाई सेवा दिने लक्षका साथ धनकुटामा आजवाट स्पर्श हेल्थ होम फिजियो थेरापी एण्ड रिह्याविलिटेशन सेन्टर सञ्चालनमा आएको छ ।
धनकुटाका स्थानिय युवाहरुको पहलमा सञ्चालन गर्न थालिएको यो सेन्टरको उद्घाटन एक कार्यक्रमको वीच धनकुटा नगरपालिकाका प्रमुख चिन्तन तामाङले गर्नुभएको हो ।
सेन्टर उद्घाटनको अवसरमा नि शूल्क स्वास्थ्य शिविर पनि आयोजना गरिएको थियो । शिविरमा विभिन्न स्थानका २ सय ५५ वढी सर्वसाधारणले सेवा लिएको सेन्टरका अध्यक्ष जयन्द्र प्रधानले जानकारी दिनुभयो ।
शिविरमा आज नाम दर्ता गरेर सेवा लिन नपाएकाहरुलाई भोलि पनि सेवा दिईने उहाँले वताउनुभयो । शिविरमा विशेषज्ञ डा फिजियो थेरापिष्ट अनिल कुमार महतो र डा राजेश शाह लगायतको टोलिले सेवा दिईरहेका छन् ।
यो सेन्टरमा गर्धन दुख्ने, ढाड दुख्ने, कम्मर दुख्ने, नशा च्यापीएको, प्यारालाईसिस लगायत रोगको उपचार गरिने जनाईएको छ ।
