धनकुटा आईपुगेका मन्त्री घिमिरेले भने,- असोजमा सबै संक्रमण सकिन्छ
धनकुटा खबर । मुलुकको राजनैतिक संक्रमण काल सकिए बाँकी रहेको प्रशासनिक संक्रमण काल असोज १५ भित्र सकिने प्रदेश नं. १ का सामाजिक बिकास मन्त्री जीवन घिमिरेले बताउने भएको छ ।
गर्गाचार्य सामुदायिकविश्वभाषा पुस्तकालय धनकुटाको सातौँ बार्षिक साधारणसभा उत्घाटन पछि गरिएको पत्रकार सम्मेलनमा मन्त्री घिमिरेले यस्तो बताउनुभएको हो ।
उहाँले भन्नु भयो–‘राजनैतिक ब्यबस्थाका रुपमा केन्द्र,प्रदेश र स्थानिय तह बनेपनि त्यसलाई चलाउने प्रशासनिक संरचना नबन्दा बिकासको काम प्रभावित भएको छ ।’
प्रसस्त बजेट भए पनि त्यसलाई लागू गर्न आवश्यक ऐन, कानून, निति र प्रशासनिक संरचना नबन्दा प्रदेश नं. १ को बिकास तथा कार्यक्रमहरु प्रभावित भएको उहाँले जानकारी दिनुभयो ।
प्रदेशको अधिवेशन चलिरहेकोले आउने असोज १५ सम्ममा ऐन,कानुनु र प्रशासनिक संगठनको काम पुरा हुने पनि मन्त्री भिमिरेले जानकारी दिनुभयो ।
‘प्रदेशका ७ मन्त्रालय बाहेक तिनका कुनै इकाई गठन गरिएको छैन’–उहाँले बताउनु भयो ।
प्रदेश सरकार प्रदेश नं. १ का लागि चाहिने ५ हजार कर्मचारीहरुको ब्यस्थापन लागिरहेको बताउँदै घिमिरेले सामाजिक बिकास मन्त्रालय अन्तर्गत मात्र २० वटा कार्यालयको माग गरेको जानकारी दिनुभयो ।
फरक प्रसंगमा घिमिरेले राजधानी र नामका बिषयमा असोज भित्रमा टुंगो लागेपनि उक्त बिषयमा हाल सम्म प्रदेश सभामा प्रबेश नगरेको जानकारी दिनुभयो ।
मन्त्री घिमिरेले गर्गचार्यको साधारण सभापछि क्षेत्रीय संग्राहलय धनकुटा र फोहर मैला ब्यबस्थापन केन्द्र ल्याण्ड फिल्ड साईट सल्लेरीको अवलोकन गर्नु भएको थियो ।
