धनकुटा आईपुगेका मुख्यमन्त्री राईले दिए यस्तो निर्देशन…
संघियताको अनुभूति दिलाउने गरी काम गर्नु – शेरधन राई
धनकुटा खबर । प्रदेश नं. १ का मुख्य मन्त्री शेरधन राईले जनताहरुलाई संघियताको अनुभूति दिलाउने गरी जिम्मेवार सम्हाल्न कर्मचारीहरुलाई निर्देशन दिनुभएको छ ।
धनकुटामा स्थापना गरिएको शिक्षा बिकास र स्वास्थ्य निर्देशनालयको उत्घाटनमा बोल्दै मन्त्री राईले ती कार्यलयबाट प्रदेश नं.१ का जिल्लाहरुले पाउने सेवा प्रति जिम्मेवार हुन आग्रह गर्नुभएको हो ।
‘बिश्वको संघियतामा प्रदेशको अभ्यास सबैको लागि नयाँ हो’ उहाँले भन्नुभयो प्रदेश सरकार र निति निर्माण गर्दा केहि दुःख हामीले भोग्यौं अब कर्मचारी वर्गहरुले पनि यो नयाँ अभ्यासको कठिनाईलाई बुझेर काम गर्नु होला ।’
उक्त २ निर्देशनालयबाट प्रदेश नं.१ का १४ जिल्लाहरुमा रहेका शिक्षा र स्वास्थ्य कार्यालयहरुको प्रशासनिक काम गर्ने मन्त्री राईले जानकारी दिनुभयो ।
उत्घाटन समारोह पछि भएको कार्यक्रममा सामाजिक बिकास मन्त्री जीवन घिमरिेले धनकुटाको क्षेत्रीय संग्राहलयलाई प्रदेश स्तरीय संग्राहलयका रुपमा बिकास गर्ने बताउनुभयो ।
प्रदेश नं.१ प्रमुख सचिव केदार न्यौपानेको अध्यक्षतामा भएको कार्यक्रममा प्रदेश सभसद्हरु निरन राई,ईन्द्रमणि पराजुली,कुसुम कुमारी श्रेष्ठ,जिल्ला समनवय समिति धनकुटाका सभापति टंक चौहान र धनकुटा नगरपालिकाका मेयर चिन्तन तामाङ्गले शुभकामना मन्तब्य राख्नुभएको थियो ।
