चाडपर्वमा सर्वसाधारणलाई कसरी स्वास्थ्य सेवा दिने ?- धनकुटाको चौविसेमा बनाईयो यस्तो तालिका…
धनकुटा । चाड पर्वको वेला सर्वसाधारणलाई स्वास्थ्य सेवा कसरी प्रवाह गर्ने भन्ने विषयमा आज धनकुटाको चौविसे गाउँपालिका वडा नं २ मुढेवासमा स्वास्थ्य व्यवस्थापन समिति र स्वास्थ्यकर्मी वीच छलफल भएको छ ।
छलफलमा सहभागी समितिका पदाधिकारी र स्वास्थ्यकर्मीहरुले दशै, तिहारको समयमा मुढेवास स्वास्थ्य चौकीवाट सर्वसाधारणलाई दिने सेवाको तालिका वनाईएको छ ।
तालिका अनुसार आकस्मिक र प्रसुति सेवावाट सर्वसाधारण वञ्चित नहोऊन भन्नका लागि दशैको विदाको समयमा पनि अनमी सुनिता राई र पद्य्मा चेम्जाङलाई सेवामा खटाउने र तिहारमा अनमी पूजन कार्की र स्वास्थ्य संस्थाका प्रमुख योगराज लिम्वु खटिने जनाईएको छ ।
यसैवीच मुढेवास स्वास्थ्यचौकीमा आजैवाट विद्युतीय हाजिरी सेवा सुचारु भएको छ । यो सेवा सुचारु भए सँगै स्वास्थ्य संस्थाको कामममा थप प्रभावकारी हुने अपेक्षा गरिएको छ ।
यो सेवा चौविसे गाउँपालिका राजारानीको पहलमा सञ्चालनमा ल्याईएको स्वास्थ्यचौकीले जनाएको छ ।
