भेडेटारलाई प्रदेश १ को मुख्य पर्यटकिय गन्तब्य बनाउन कुनै कसर बाकी नराख्ने : मुख्यमन्त्री राई
नारायण कुमार राई, धनकुटा खबर । अंग्रेजी नयाँ बर्षको अवसर पारेर पूर्वको पर्यटकीय स्थल भेडेटारमा आजवाट खाना महोत्सव सुरु भएको छ ।
महोत्सबको उद्घाटन गदै प्रदेश एकका मुख्यमन्त्री शेरधन राईले भेडेटारलाई प्रदेश एकको मुख्य पर्यटकिय गन्तब्य बनाउन कुनै कसर बाकी नराख्ने बताउनु भयो ।
मन्त्री राईले अब आउने हिउँदे अधिवेशनले प्रदेश नं. १ को राजधानी र नामको ढुंगो लगाउने जानकारी दिनुभयो । कार्यक्रममा प्रदेश सभासद् निरन राई,जुली कुमारी श्रेष्ठ लगाएत जिल्ला स्थित राजनैतिक दल तथा संस्थाका प्रतिनिधिहरुले शुभकामना दिनुभएको थियो ।
होटल एशोसिएशन अफ भेडेटारको आयोजनामा सञ्चालन भएको सो महोत्सबमा २४ ओटा स्टल राखिएको छ । स्थानीय खानाका परिकार,अर्गानिक खेतीवाट उत्पादित तरकारी तथा फलफुलको प्रदर्शनी, हस्तकला, कृषि तथा घरेलु सामाग्रीहरु प्रर्दशनीमा राखिएको छ ।
खाना महोत्सवमा आउने आगन्तुकहरुलाई सिम्रिक एयरमा हेलि टुर, प्याराग्याइडिङ, माउण्टेन वाइक र टुर प्याकेजको व्यवस्था गरिएको होटल एसोसिएसन अफ भेडेटारका अध्यक्ष जितेन्द्र रुम्दाली राइले जानकारी दिनुभयो ।
३० हजार आन्तरिक तथा बाह्य पर्यटक आउने र १ करोड रुपैया वरावरको आर्थिक कारोवार गर्ने लक्ष्य राखिएको छ । महोत्सब तीन दिन सम्म सञ्चालन हुने छ ।
