राजधानीको माग गर्दै फेरी तात्ने भो धनकुटा !, यस्तो छ कार्यक्रम…
धनकुटा खबर, २ माघ । प्रदेश न १ को राजधानी धनकुटालाई बनाउनु पर्दछ भन्ने अभियान फेरी सुरु भएको छ ।
प्रदेश न १ को राजधानी धनकुटलाई बनाऊ अभियानका संयोजक सुन्दरबाबु श्रेष्ठको अध्यक्षतामा राजनैतिकदल, नागरीक समाज , उद्योगी व्यापारीहरुको आज बसेको भेलाले धनकुटा लाई प्रदेश न १ को स्थाई राजधानी बनाउन माग गरेका छन् ।
उनिहरुले दवाब कार्यक्रम अन्र्तगत भोली १ बजे र्याली सहित बजार परिक्रमा गर्ने निर्णय भएको र त्यस र्यालीमा संघिय संसद, प्रदेश संसद, नागरीक समाज , बजारबासी सम्पूर्ण पेशाकर्मि, धनकुटाबासी लगायत सबै लाई सहभागि हुनका लागी आवाहन गरिएको अभियानका संयोजक सुन्दरबाबु श्रेष्ठले जानकारी दिए ।
भेलामा बोल्दै नेकपाका नेता दुर्गा लिङ्खाले धनकुटा लाई राजधानी बनाउन सबै लाग्नु पर्ने बताए । त्यस्तै अभियानन्ता एवम् नेपाली कांग्रेसका सचिब विजयसन्तोषी राईले धनकुटालाई राजधानी नबनाए सम्म आन्दोलन जारी रहने बताए ।
केहि दिन पहिले धनकुटा आएका प्रदेश १ का मुख्यमन्त्री शेरधन राईले प्रदेशको राजधानी र नामाकरण छिटै टुग्गो लगाउने बताएका थिए । त्यसैले पनि अबको आन्दोलनलाई निर्णयक बनाउनु पर्ने अभियान्ता राईको भनाई छ । भोलीको कार्यक्रम पछि बस्ने बैठकले आन्दोलनलाई कसरी अगाडी बढाउने भन्ने बार निर्णय गर्ने संयोजक श्रेष्ठले जानकारी दिए ।
