ज्ञानेन्द्र शाही निर्देशित राजावादीद्वारा पर्यटन मन्त्री याेगेशमाथि एयरपाेर्टमा दुर्व्यवहार
बाँके । पर्यटन मन्त्री याेगेश भट्टराईमाथि केही राजावादीहरुले नेपालगन्ज एयरपाेर्टमा दुर्व्यवहार गरेका छन् ।
जहाज ढिलाे भएकाे विषयमा केही व्यक्तिले मन्त्री भट्टराईलाई अालाेचना गर्दै दुर्व्यवहार गरेका हुन।
राजावादी ज्ञानेन्द्र शाहीले मन्त्रीका कारण एक घण्टा जहाज ढिलाे भएपछि नागरिकका तर्फबाट रामधुलाई गरेकाे स्टाटस सार्वजनिक गरेपनि उनीहरुले नियाेजितरुपमा अालाेचनामा उत्रिएकाे मन्त्री भट्टराईले बताएका छन् ।
मन्त्री भट्टराईले घटनाबारे स्पष्ट पार्दै लेखेका छन :
आज कैलाली जिल्लाको टिकापुरमा आयोजना भएको डलफीन महोत्सबको कार्यक्रम सकेर बुद्ध एयरको धनगढीको अन्तिम उडानबाट काठमान्डौ फर्कने मेरो योजना रहेको थियो । तर कार्यक्रम ढिला भएको कारण बुद्ध एयरसँग अनुरोध गरेर नेपालगंजको अन्तिम उडानबाट काठमान्डौ फर्कनेक्रममा केहि ढिला हुन गएको सत्य हो । सबै यात्रुको बोर्डिङ भएको करिब १५ मिनेटमा हाम्रो टिमको बोर्डिङ भएको हो । भोली प्रतिनिधिसभामा माननीयहरुको प्रश्नको मैले जबाफ दिने कार्यक्रम रहेको कारण काठमान्डौ फर्कनै पर्ने दबाबमा म थिए । नेपालगंज बिमानस्थलमा ३/ ४ जना ब्यक्तीहरु आक्रमक शैलीमा मेरा बिरुद्ध प्रस्तुत हुनुभयो । एकजनाले पारसका बिरुद्ध सातलाख हस्ताक्षर दरबारमा बुझाएर तैले हामीलाई कति दु:ख दिएको छस् ? त्यो हामीले कहाँ बिर्सेंका छौ र ? सम्म भने ।त्यो सुने पछि उनीहरुको नियत मैले बुझिहाले । सम्पूर्ण यात्रु तथा बुद्ध एयरले देखाएको समझदारीप्रति धन्यवाद ब्यक्त गर्दछु ।
मेरा कारणले यात्रुहरुमा पर्न गएको असुबिधाप्रति भने क्षमाप्राथी छु ।-एभरेष्ट दैनिक
