धनकुटा नगरका सबै वडाबाट कर तिर्ने व्यवस्था शुरु
धनकुटा खबर, २ असोज । सेवाग्रहीको हित र सुविधालाई ध्यान दिदै धनकुटा नगरपालिका अन्र्तगतका सबै वडा कार्यालयवाट कर तिर्ने व्यवस्थाको सुरुवात भएको छ ।
असोज १ गतेदेखि नगरपालिका अन्र्तगतका १० वटै वडा कार्यालयवाट असोज १ गतेदेखि एकिकृत सम्पत्तिकर, घरवहाल कर लगायत कर तिर्ने व्यवस्थाको सुरुवात भएको हो ।
भूगोलको कारण दुर्गम र सदरमुकाम भन्दा टाढा रहेको वडाका वासिन्दालाई नगरपालिकासम्म आएर कर तिर्न सास्ती भएको जनगुनासो वढ्न थालेपछि नगर कार्यपालिका वैठकले निर्णय नै गरेर वडा कार्यालयवाट कर तिर्ने व्यवस्थाको सुरुवात गरेको धनकुटा नगरपालिकाका नगरप्रमुख चिन्तन तामाङले बताए ।
