चीनबाट आउने पर्यटकमाथि विमानस्थलमै स्वास्थ्य परीक्षण सुरु
काठमाडौं, माघ १० । चीनमा स्वास्थ्य संकट निम्त्याउने गरी फैलिएको ‘कोरोनाभाइरस’ नेपालमा पनि फैलनसक्ने त्रास बढेपछि त्रिभुवन अन्तर्राष्ट्रिय विमानस्थलको ‘हेल्थ डेस्क’लाई सक्रिय बनाइएको छ । हेल्थ डेस्कले गएको सोमबारदेखि चीनबाट आउने पर्यटकको स्वास्थ्य परीक्षण सुरु गरेको छ ।
चीनमा महामा’रीको रुप लिँदै गएको कोरोनाभाइरस नेपालमा पनि फैलिनसक्ने सम्भावना उच्च रहेको छ । यस भाइरसका कारण चीनमा हालसम्म २५ जनाको ज्या’न गइसकेको छ ।
चीनबाट नेपाल घुम्न आउने पर्यटकको संख्या सबैभन्दा बढी रहेको छ । जसका कारण नेपाल उच्च जोखिममा रहेको हो । नेपालमा फैलनसक्ने खतरालाई ध्यानमा राख्दै अन्तर्राष्ट्रिय विमानस्थलमा रहेको हेल्थ डेक्सलाई पछिल्लो समय सक्रिय बनाइएको हो । हेल्थ डेस्क संयोजक गोपालप्रसाद पाण्डेले बिरामी देखिएका प्रत्येक चिनियाँ पर्यटकको स्वास्थ्य परीक्षण गरिएको दाबी गरे ।
चीनबाट आउने सबै पर्यटकहरुमा यो समस्या छ कि छैन भन्ने परीक्षण गर्न ‘थर्मल स्क्यानिङ’ राख्ने र पर्यटकको स्वास्थ्य अवस्थाबारे जानकारी राख्न ‘कार्ड’ भराउनेसमेत योजना रहेको पाण्डेले बताए । हाल कोरोनाभाइरस चीन, जापान, कोरिया, थाइल्यान्डलगायतमा फैलिएको छ ।
लक्षण : नयाँ भाइरसको रुपमा चिनिएको यस भाइरसको संक्रमण भएमा उच्च ज्वरो आउने, टाउको दुख्ने, श्वासप्रश्वासमा समस्या हुनेजस्ता लक्षणहरु देखापर्ने चिकित्सकहरु बताउँछन् । प्रज्ञा तिमल्सिना,ईमेज
