शिव भगवानको पूजा गरेर ‘सोमबारे औंसी’ धनकुटामा पनि मनाइयो
धनकुटा खबर । धनकुटाका शिव मन्दिरहरुमा समेत आज भगवान शिवको पूजा आराधना गरी सोमबारे औंसी मनाइएको छ ।
हिन्दु शास्त्रमा सोमबारे औंसीको महत्व धेरै रहेको त्यसैमाथि साउनमै सोमबार औंसी परेपछि यस दिनको झनै महत्व थपिएले श्र,द्धालुहरु विहानै देखि विभिन्न शिवको मन्दिरमा पुगेर पूजा गरेका थिए ।
धनकुटाको तल्लो गोकुण्डेमा रहेको मन्दिर, नर्वदेश्वर शिवालय लगायतका शिवमन्दिरमा भक्तजनले पुजा गरेका थिए । यस बर्ष कोरोनाका कारण धेरै मेला पर्व सुनसान भए जस्तै सोमबारे औंसी उ,त्साहजनक भने देखिएन ।
पितृहरूको पर्वको रुपमा रहेको सोमबारे औंसी पर्व सोमबार परेमा त्यसलाई महत्वपूर्ण दिनको रुपमा हिन्दु धर्मवलम्वीहरुले लिने गर्दछन भने सोमबारे औंसीका दिन कसैसंग नबोली विहानै नुहाउनु पर्छ भन्ने मान्यता समेत रहेको छ ।
