धनकुटाका थप ६० जनामा कोरोना संक्रमण पुष्टि,संक्रमितको संख्या ५ सयको हाराहारी
धनकुटा,जेठ १० । धनकुटाका थप ६० जनामा कोरोना संक्रमण पुष्टि भएको छ ।
स्वास्थ्य कार्यालय धनकुटाले आज विहान दिएको जानकारी अनुसार हिजो गरिएको पिसिआर परिक्षणको रिपोर्ट अनुसार धनकुटा नगरपालिकाका १५ जना, महालक्ष्मी नगरपालिकाका १६ जना र शहिदभूमी गाउँपालिकाका २९ जना सहित जम्मा ६० जना संक्रमित थपिएका हुन् ।
दिनप्रतिदिन कोरोना संक्रमण समुदाय स्तरमा फैलिरहेको र संक्रमणदर वढिरहेको कार्यलयले जनाएको छ । पछिल्लो पटक जिल्लामा ६० जना संक्रमित थपिदा मात्र १९ जना डिस्चार्ज भएको स्वास्थ्य कार्यलय प्रमुख तुलसी प्रसाद गुरागाईले जानकारी दिनुभयो ।
अहिले जिल्लामा सक्रिय संक्रमितको संख्य ५०० जनाको हाराहारीमा पुगिसकेको उहाँले वताउनुभयो । त्यसैले स्थिति कावु वाहिर जान सक्ने सम्भावना वढेको जनाईएको छ । हिजो र आज गरि जिल्लाका ३ जनाको निधन समेत भएको छ ।
सक्रिय संक्रमित धेरै होम आईसोलेसनमा रहेकाले स्वास्थ्य स्थितिको वारेमा धेरै जानकारी लिन समेत समस्या भएकोले यस विषयमा पालिका स्तरका सिआईसिटि टिम अलि वढी सक्रिय हुन जरुरी रहेको कार्यलयले जनाएको छ ।
