धनकुटामा थपिए अहिले सम्मकै उच्च संख्यामा कोरोना संक्रमित
जेष्ठ ११,धनकुटा । धनकुटामा यस पटक अहिले सम्मकै उच्च संख्यामा कोरोना संक्रमित थपिएका छन् ।
पछिल्लो पटक जिल्लामा गरिएको पिसिआर परिक्षणको रिपोर्ट अनुसार धनकुटाका थप १ सय ११ जनामा कोरोना संक्रमण पुष्टि भएको स्वास्थ्य कार्यलय धनकुटाले जनाएको छ ।
थपिएका संक्रमितहरुमा धनकुटा नगरपालिकाका २० जना, महालक्ष्मी नगरपालिकाका ६३ जना,शहिदभूमी गाउँपालिकाका २४ जना,पाख्रिवास नगरपालिकाका ३ जना र छथरजोरपाटी गाउँपालिकाका १ जना रहेको स्वास्थ्य कार्यलय धनकुटाका प्रमुख तुलसी प्रसाद गुरागाईले जानकारी दिनुभएको छ ।
संक्रण पुष्टि भएको यो संख्या अहिले सम्मकै सबैभन्दा वढी भएको उहाँले वताउनुभयो । दिनप्रतिदिन संक्रमण दर वढ्दै जाने क्रमलाई हेर्दा स्थिती थप भयावह हुन सक्ने अनुमान गरिएको छ ।
त्यसैले स्वास्थ्य शर्तकताका सम्पूर्ण मापदण्ड पालना प्रति सबैले थप ध्यान दिन आवश्यक रहेको स्वास्थ्य कार्यलयले जनाएको छ ।
