धनकुटामा थप २५ जनामा कोरोना संक्रमण पुष्टि
असार १५,धनकुटा । धनकुटामा आज फेरी २५ जनामा कोरोना संक्रमण पुष्टि भएको छ ।
जिल्ला कोभिड १९ संकट व्यवस्थापन केन्द्रका अनुसार आज दिउँसो साढे ३ वजे सम्म उल्लेखित संख्याका संक्रमित थपिएका हुन् । आज १ जना संक्रमण मुक्त भएका छन् ।
अहिले सम्म जिल्लामा संक्रमण मूक्त हुनेको संख्या १४ सय २७ पुगेको छ । हाल जिल्लामा सक्रिय संक्रमितको संख्या २५६ रहेको मा होम आईशोलेसनमा २३१, संस्थागत आईशोलेसनमा १५ र अस्पतालमा १० जना उपचाररत रहेको केन्द्रको तथ्यांक छ ।
जिल्लामा कोरोना परिक्षण गराई पोजेटिभ नतिजा आई उपचारको क्रममा जिल्ला मै र अन्य जिल्लामा निधन हुनेको संख्या आज सम्म २४ जना पुगेको केन्द्रले जनाएको छ ।
