पहाडी र सल्लेरी समुहले पाए करिव १४ लाख अनुदान
नारायण कुमार राई/धनकुटा,२५ असार । छथर जोरपाटी गाउँपालिका धनकुटाले किवी र खुर्सानी पकेट क्षेत्र प्रवद्र्धनका लागि लक्षित गरेर कृषकहरुलाई १३ लाख ८४ हजार बराबरको कृषि सामाग्री दिएको छ ।
पालिकाले ५० प्रतिशत अनुदानमा किवी पकेट क्षेत्रलाई लक्षित गरेर ७ लाख ४६ हजार र खुर्सानी पकेट क्षेत्रका लागि ६ लाख ३८ हजार बराबरको कृषि सामाग्रीहरु दिएको हो ।
पालिकाको कृषि शाखाले किवी खेतीका लागि वडा नं. ६ को पहाडी किवी,तरकारी उत्पादक समुह र खुर्सानी खेतीका लागि वडा नं. २ को सल्लेरी कृषि समहुलाई सामाग्रीहरु हस्तान्तरण गरेको छ ।
कृषि शाखाका अधिकृत मिलन कार्कीका अनुसार किवी खेतीका लागि ४ लाख ९५ हजार बरावरको १ हजार ६ सय ५० वटा ग्राफ्टिङ गरिएको बिरुवा पहाडी समुहलाई हस्तान्तरण गरिएको छ ।
त्यस्तै ७० हजार बरवरको २ वटा किवी रोप्नका लागि खाडल खन्ने मेसिन,२६ हजार बरावरको २ वटा डिजिटल काँटा(तराजु),२१ हजार बरावरको २१ वटा सि–केचर दिईएको छ ।
त्यस्तै १ लाख १० हजार बरावरको सिंचाई पाईप र २४ हजार बरावरको २१ वटा स्प्रिङ कल पहाडी समुहलाई दिईएको छ ।
खुर्सानी खेतीका लागि १ लाख ६० हजार बरावरको २ केजी खर्सानीको बीउ,१ लाख बरावरको बिषादी र भिटामिन सल्लेरी समहुलाई दिईएको छ ।
त्यस्तै १२ हजार बरावरको एउटा डिजिटल काँटा,१ लाख ८० हजार बरावरको २ वटा मिनी टिलर,३८ हजार बरावरको ३८ थान कोदालो दिईएको छ ।
त्यस्तै २ लाख बरावरको सिंचाई पाईप,६६ हजार वराबरको ११ थान हिलटेक,६० हजार बरावरको ११ थान प्लास्टिक टनेल दिईएको छ ।
त्यस्तै १२ हजार बरावरको स्प्रिङ कल ३० वटा र १० हजार बरावरको १० वटा पानी लगाउने हजारी दिईएको छ ।
सम्पूर्ण सामाग्रीहरु पहाडी समुहका अध्यक्ष दिपक गुरुङ र सल्लेरी समुहका चक्रबहादुर थापा लगायत किसानहरुको उपस्थितिमा सामाग्री हस्तान्तरण गरिएको कृषि शाखाले जानकारी दिएको छ ।
