औद्योगिक ग्राम निर्माणका लागि ९ सदस्यीय जग्गा व्यवस्थापन सिफारिस समिति गठन
असार ३०,धनकुटा । धनकुटाको सागुरीगढी गाउँपालिकाले औद्योगिक ग्राम निर्माणका लागि ९ सदस्यीय जग्गा व्यवस्थापन सिफारिस समिति गठन गरेको छ ।
समितिका संयोजकमा पूर्व खुवाफोक गाविस अध्यक्ष नरेन्द्र याख्खा,सहसंयोजक नरोत्तम लिम्वु र सचिवमा सुदिप याख्खा रहेका छन् । अन्य सदस्यहरुमा ललित याख्खा,दिल कुमारी लिम्वु,महेन्द्र माझी,दिपक कार्की,टेक वहादुर कार्की र अस्मिता लिम्वु रहेका छन् ।
समितिलाई १५ दिन भित्र युपयुक्त जग्गा छनौट गरी गाउँपालिकामा सिफारिस गरि पठाउन गाउँपालिका अध्यक्ष कुमारजङ याख्खाले आग्रह गर्नुभएको छ ।
नेपाल सरकारले औदोगिक ग्राम निर्माणका लागि मापदण्ड तोकेअनुसार जग्गा उपयुक्त छकी छैन भनि आजै संघिय सांसद राजेन्द्र राई, गाउँपालिका अध्यक्ष याख्खा,३ नं वडाध्यक्ष राज कुमार राई,गाउँपालिका सदस्य वालकृष्ण राई,फुलकुमारी लिम्वु, नेकपा एमाले गाउँ कमिटी अध्यक्ष विजय लिङ्खा, सहईञ्चिार्ज निर्मला ईवाहाङ लगायत कुसेटार र डुम्रे का स्थानियले अवलोकन गरेका छन् ।
सो क्रममा संघिय सांसद राईले १ अर्ब भन्दा वढीको औद्योगिक ग्राम बन्ने भएकोले चाडो भन्दा चाडो स्थान छनौट गर्न गाउँपालिका तथा वडालाई आग्रह गर्नुभएको छ ।
