सिंधुवा बजारमा भएको आ’गला’गीमा ४९ लाख बराबरको क्षति
धनकुटा । धनकुटाको छथर जोरपाटी गाउँपालिका ६ सिधुवा बजारमा गएराती आग्लागी हुँदा ४९ लाख बराबरको क्षति भएको छ ।
जिल्ला प्रहरी कार्यालय धनकुटाका अनुसार आग्लागीमा परि ललिता राईले भाडामा लिएको फ्रेस हाउसवाट सल्किएको आगोले सन्त बहादुर राईको काठ टिनले बनेको २ तले घर पुर्ण रुपमा जली नष्ट भएको छ । घरमा रहेको २ तोला सुन, नगद २ लाख, २० वटा कुखुरा समेत गरि अन्दाजी रु ३७ लाख बराबरको क्षती भएको प्रहरीले जनाएको छ ।
त्यस्तैगरि डिक बहादुर खडका र होम बहादुर थापाको संयुक्त २ तल्ले पक्की घरको माथिल्लो तल्लाको ट्रस तथा टिनको छानो जल्दा अन्दाजी मुल्य रु ५ लाख पचास हजार बराबरको क्षती भएको छ ।
घर आंशिक रुपमा क्षती भएको छ भने झमक थापाको २ तले पकी घरको माथिल्लो तल्लामा रहेको नगद ७० हजार, ५ थान खाट, २ तोला सुन, लत्ताकपडा गरी अन्दाजी ५ लाख बराबरको क्षती भएको र घर आंशिक क्षती भएको जिल्ला प्रहरी कार्यलय धनकुटाको सञ्चार शाखाले जनाएको छ ।
त्यस्तै अर्जुन घिमिरेको २ तले पकी घरको माथिल्लो तल्लामा सञ्चालित लजको २ कोठाको ट्रस, लताकपडा गरी अन्दाजी १ लाख बराबरको क्षती भएको र घर आंशिक रुपमा क्षती भएको छ भने डम्बर थापाको अन्दाजी ५० हजार बराबरको काठ जलेर नष्ट भएको प्रहरीले जनाएको छ ।
आग्लागीको कारण खुल्न सकेको छैन । आगो धनकुटा नगरपालिका दमकल, म्याङलुङ नगरपालिका तेह्रथुमको दमकल सहित नेपाल प्रहरी,सशस्त्र प्रहरी र स्थानियको सहयोगमा नियन्त्रणमा लिईएको थियो ।
