किराँत राई यायोख्खा धनकुटाको वृहत आम भेला सम्पन्न
धनकुटा । किराँत राई यायोख्खा धनकुटाको वृहत आम भेला राईकुवा टोल धनकुटामा सम्पन्न भएको छ ।
भेलाले किराँत राई योख्खाका वरिष्ठ उपाध्यक्ष पृथराम राईको संयोजकत्वमा ७ सदस्यीय यलम्बर पार्क पूर्वाधार निर्माण समिति गठन गरेको छ ।
समितिको सह-संयोजकमा कला राई,सदस्यहरुमा वलप्रसाद राई,भुवन राई,वल प्रसाद एवाई र विष्णु मगर लगायत रहेका छन् ।
भेलाको अवसरमा यलम्बर पार्क निर्माणका लागि प्रदेश सरकारले छुट्याएको बजेट सम्झौताका लागि भोलि नै समितिका संयोजक र सह-संयोजक विराटनगर जाने निर्णय समेत भएको किराँत राई यायोख्खा धनकुटाका अध्यक्ष उद्धवमणी राईले जानकारी दिनुभयो ।
अध्यक्ष राईका अनुसार यलम्बर पार्क निर्माणका लागि प्रदेश सरकारले १० लाख रकम छुट्याएको छ ।
