विद्यार्थी भर्नाको विषयलाई लिएर धनकुटा बहुमुखी क्याम्पसमा दुई पक्ष वीच झडप हुँदा दुई जना घाईते
धनकुटा । विद्यार्थी भर्नाको विषयलाई लिएर धनकुटा बहुमुखी क्याम्पसमा दुई पक्ष वीच झडप हुँदा नेपाल विद्यार्थी संघका सभापति र सचिव घाईते भएका छन् । फर्जी विद्यार्थी भर्ना गर्न मिल्दैन भनेर गलत कार्यका प्रतिकार गर्दा नेपाल विद्यार्थी संघ धनकुटा बहुमुखी क्याम्पस ईकाई समिति सभापति सुवास भण्डारी र सचिव युवराज कार्की भएका हुन् ।
एमाले निकट युवा संघका युवाहरु,अनेरास्ववियु धनकुटा बहुमुखी क्याम्पस ईकाई कमिटी सचिव सहितकाले उनिहरुमाथि सांघातिक आक्रमण गरेको नेविसंघले जनाएको छ । गैर विद्यार्थी जर्वजस्ति भर्ना गराउने विषयमा नियम विपरितका कार्य गर्न नपाईने भन्दै नेविसंघका भण्डारी र कार्की सहितकाले विरोध गर्दा आक्रमण भएको नेविसंघले जनाएको छ ।
आक्रमणबाट घाईते भएका सभापति भण्डारीलाई नोवेल हस्पिटल विरानगर लगिएको छ । भण्डारीकोे आईसियुमा राखेर उपचार भईरहेको हस्पिटलमा रहेकी करुणा कटवालले बताउनुभयो । यसरी गैर विद्यार्थी भर्ना गर्ने कार्यलाई क्याम्पस ईकाई प्रशासनले समेत पार्टीगत दादागिरी देखाई कार्यलय समय पछाडी पनि विद्यार्थी भर्ना लिएको भन्दै नेविसंघले विज्ञप्ति मार्फत आफ्नो ध्यानाकर्षण भएको जनाएको छ ।
उस्ले घटनामा संलग्न दोषीहरुलाई कारवाहीको माग गर्दै क्याम्पस प्रमुखको कार्यकक्ष तथा प्रशासनिक भवनमा तालाबन्दि गरेको छ भने दोषीहरुलाई कारवाही नगरिए सशक्त आन्दोलनमा उत्रन बाध्य हुने जनाएको छ । यो विषयमा युवा संघका सचिव कमल कार्कीसँग बुझ्दा नेविसंघका विद्यार्थीले भर्नाका लागि लाईनमा बसिरहेका अनेरास्ववियुका विद्यार्थीहरुलाई समय सकिएको भन्दै भर्ना गर्न नदिएपछि सामान्य ठेलाठेल भएको बताउनुभयो ।
प्रहरीले भने क्याम्पसमा पठनपाठनको कुरालाई निरन्तरता दिने सहमति भएको जनाएको छ । झगडामा संलग्न मध्ये अहिले सम्म कोही पनि संपर्कमा नआएको जिल्ला प्रहरी कार्यलय धनकुटाका डिएसपी नरेन्द्र कुँवरले जानकारी दिनुभयो ।
