जालपादेवी क्याम्पस स्ववियु निर्वाचनमा सहमति अनुसार उम्मेदवारी दर्ता,सभापतिमा निर्मला कार्की
धनकुटा । त्रिभुवन विश्वबिद्यालय(त्रिवि) अन्तर्गत आगामी चैत ५ गते हुने स्वतन्त्र विद्यार्थी युनियन(स्ववियु) निर्वाचनका लागि आज दिउंसो २ बजेसम्ममा समानुपातिक तथा प्रतक्ष्य तर्फको उम्मेदवारी दर्ता गराउने कार्यक्रम रहेको थियो ।
जस अन्तर्गत धनकुटाको पाख्रिबास नगरपालिका ४ मा अवस्थित जालपादेवी क्याम्पसमा सहमतिमा स्ववियु गठन हुने भएको छ । आज बसेको राजनैतिक दलहरुको संयुक्त बैठकले उक्त निर्णय गरेको हो ।
जस अनुसार नेकपा(एमाले) आवद्द अनेरास्ववियुले सभापति सहित कोषाध्यक्ष र १ सदस्य,नेपाली कांग्रेस आवद्द नेपाल बिद्यार्थी संगठनले उप सभापति सहित १ सदस्य र नेकपा(एमाओवादी) आवद्द अनेरास्ववियु(क्रान्तिकारी) ले सचिव र सहसचिव पाएका हुन् ।
बैठक लगत्तै सहमति अनुसार उम्मेदवारी दर्ता सम्पन्न भएको छ । जस अनुसार सभापतिमा निर्मला कार्की, उप सभापतिमा दिपकला राई ,सचिव सुमित्रा तामाङ ,कोषाध्यक्ष चेतराज पौडेल र सदस्यद्वयमा सुस्मिता भट्टराई , निर्मला श्रेष्ठले उम्मेदवारी दर्ता गराएका छन् ।
