पुरानो वा बिग्रिएको इयरफोनसँग नयाँ इयरबड साट्न सकिने !
काठमाडौं । नेपाली ब्रान्ड अल्टिमा लाइफस्टाइलले ‘अल्टिमा एक्सचेञ्ज मेला’ आयोजना गर्ने भएको छ । २६ र २७ साउनमा हुने उक्त मेलामा प्रयोगकर्ताले आफ्नो जस्तोसुकै अवस्थाको इयरफोन वा इयरबड ११९९ रुपैयाँ तिरेर अल्टिमाको ‘एटम ८२०’ सँग एक्सचेन्ज गर्न पाउनेछन् ।
यसका लागि एक्सचेञ्ज गर्ने हेडफोन तथा इयरफोन नयाँ वा पुरानो जस्तोसुकै अवस्थाको भए पनि हुने कम्पनीले जनाएको छ । अल्टिमा लाइफस्टाइलले यस्तो मेला नेपालमा पहिलो पटक आयोजना गर्न लागेकाे हाे ।
काठमाडौं सुन्धारामा रहेको सिभिल मल (पहिलो तला) र न्युरोडमा रहेको हुकुट स्टोर (ग्राउन्ड फ्लोर)मा गएर एक्सचेञ्ज गर्न सकिनेछ ।
सिभिल मलमा एक्सचेञ्ज अफर २६ र २७ गते बिहान ९ बजेदेखि साँझ ६ बजेसम्म र हुकुट स्टोरमा बिहान ८ बजेदेखि राति ८ बजेसम्म सञ्चालन हुनेछ । यो एक्सचेन्ज अफर ‘फर्स्ट कम फर्स्ट सर्भ’ (जो पहिले आउँछ उसैलाई दिने) बेसिसमा भएकाले छिटो जाने ग्राहकले मात्र पाउने कम्पनीले जनाएकाे छ ।
कस्तो छ एक्सचेन्ज अफरमा दिइने एटम ८२० ?
अल्टिमाको एटम ८२० कम्पनीले छिट्टै सार्वजनिक गर्न लागेको इयरबड हो । ब्लुटुथ भर्सन ५.३ मा आधारित यो इयरबडले १० मिटरसम्मको ब्लुटुथ रेञ्ज रहेको छ ।
इयरबडमा आउने केसमा ३५० एमएएच क्षमताको ब्याट्री राखिएको छ भने इयरबड्समा ३५/३५ एमएएच क्षमताको ब्याट्री राखिएको छ । यसले १० मिनेटको चार्जमा १५० मिनेटको प्लेब्याक दिने कम्पनीको दाबी छ ।
आईपीएक्स फाइभ रेटिङ भएको यो इयरबडले गुगल र सिरि भ्वाइस असिस्टेन्ट सपोर्ट गर्ने कम्पनीको भनाइ छ । याे इयरबडकाे मूल्य २९ सय ९९ रूपैयाँ रहने बताइएकाे छ ।
