चाबहिलको चुच्चेपार्टीमा तिलगङ्गा आँखा अस्पतालको ‘तिलगङ्गा सिटी आइ सेन्टर’
काठमाण्डौ – तिलगङ्गा आँखा अस्पतालले आँखासँग सम्बन्धित सबै प्रकारका उपचार गराउने उद्देश्यले काठमाण्डौको चुच्चेपाटीमा ‘तिलगङ्गा सिटी आइ सेन्टर’को शुभारम्भ गरेको छ ।
सार्वजनिक निजी साझेदारीको अवधारणामा तिलगङ्गा आँखा अस्पतालका डाक्टरहरुको समूहबाट उपचार गराउने उद्देश्यले सिटी आइ सेन्टर सञ्चालनमा ल्याइएको हो ।
सेन्टरको तिलगङ्गा आँखा प्रतिष्ठानका कार्यकारी निर्देशक प्रा डा सन्दुक रुइत र प्रमुख कार्यकारी अधिकृत डा रीता गुरुङले सेन्टर उद्घाटन गर्नुभयो ।
सेन्टरले आजदेखि नियमित आँखा परीक्षणलगायत जटिल शल्यक्रियाको सेवा उपलब्ध गराउने छ ।
सेन्टरमा मोतियाबिन्दुको शल्यक्रिया, जलबिन्दुको उपचार, कोर्निया र रेटिनाको उपचार, आँखाको सौन्दर्य र अल्छी आँखाको व्यवस्थापनको उपचार गरिने जनाएको छ ।
