एसियाड ब्याडमिन्टनमा नेपाली रसिला महर्जन प्रिक्वाटरफाइनल पुगिन्
काठमाडौं। चीनमा जारी १९ औँ एसियाली खेलकुद–एसियाडअन्तर्गत ब्याडमिन्टनको महिला एकलमा नेपालकी रसिला महर्जन प्रिक्वाटरफाइनल पुगेकी छिन्।
उनले मंगोलियाकी खेलाडीलाई सोझो सेटमा पराजित गर्दै अन्तिम १६ मा स्थान बनाएकी हुन्। अनुमाया राई भने अगाडि बढ्न सकिनन्।
उनलाई थाइल्यान्डकी खेलाडीले सोझो सेटमा हराइन्। यसअघि पुरुष एकलमा नेपालका दुवै खेलाडी अन्तिम ६२ अर्थात पहिलो चरणबाटै बाहिरिएका थिए।
महिला डबल्समा नेपालका दुवै जोडी अन्तिम ३२ बाटै बाहिरिएका छन्। निता लम्साल र नंशल तामाङको जोडी ताइपेईसँग तथा अनुमाया राई र रसिला महर्जनको जोडी इन्डोनेसियासँग सोझो सेटमा पराजित भयो।
