धनकुटामा अन्तरपालिका महिला फुटबल हुने
धनकुटा ६ जेठ, धनकुटामा जेठ १४ गते देखि १७ गते सम्म अन्तरपालिका महिला फुटबल प्रतियोगिता हुने भएको छ । सहिद रामकृष्ण श्रेष्ठ स्मृति प्रतिष्ठाको आयोजनामा पाँचौ अन्तरपालिका महिला फुटबल प्रतियोगिता हुने भएको हो ।
आयोजक सहिद रामकृष्ण श्रेष्ठ स्मृति प्रतिष्ठाले आज धनकुटामा पत्रकार सम्मेलन गर्दै प्रतियोगिता गर्ने बारे जानकारी गराएको हो । प्रतियोगितामा धनकुटा छ वटा पालिकाको सहभागिता रहने जनाइएको छ ।
प्रतियोगितामा प्रथम हुने टोेलिले नगद ६० हजार सहित, मेडल ट्रफी प्राप्त गर्ने छ भने दोस्रो हुने टोलिले नगद ३० हजार सहित, मेडल ट्रफी प्राप्त गर्ने आयोजक समितीका अध्यक्ष इश्वर बहादुर श्रेष्ठले जानकारी दिए । जिल्लामा महिला फुटवल खेलाडी भए पनि खेल अवसर बाट बञ्चित हुने गरेकोले प्रतियोगिता गर्न लागिएको आयोजकले जनाएको छ ।
