धनकुटाको पाख्रिबासमा वेवारिसे अवस्थामा भरुवा बन्दुक फेला
धनकुटा,२४ कार्तिक । धनकुटामा वेवारिसे अवस्थामा एक थान भरुवा बन्दुक फेला परेको छ ।
जिल्लाको पाख्रिबास नगरपालिका १० चुङबङमा झाडीमा लुकाइ राखिएको अवस्थामा उक्त भरुवा बन्दुक फेला परेको जिल्ला प्रहरी कार्यालय धनकुटाका प्रवक्ता डीएसपी राजन कार्कीले जानकारी दिए ।
आज दिउंसो प्रहरी चौकी हिलेबाट गएको प्रहरी गस्ती टोलीले उक्त बन्दुक फेला पारेको हो ।
उक्त बन्दुक प्रहरी कार्यालयमा ल्याइ थप अनुसन्धान भैरहेको प्रहरीले जनाएको छ ।
