सहिदभूमिका राई धरानबाट ११ किलो गाँजा सहित पक्राउ
धनकुटा । सुनसरीको धरान उपमहानगरपालिका-२० कोकाहा खोलाबाट ११ किलोग्राम गाँजा सहित एक जना पक्राउ परेका छन् ।
पक्राउ पर्नेमा धनकुटाको सहिदभूमि गाउँपालिका-१ का २३ वर्षीय सिद्धार्थ राई रहेको कोशी प्रदेश प्रहरी कार्यालय विराटनगरले जनाएको छ ।
राईलाई इलाका प्रहरी कार्यालय धरानले प्र.१-०२-०५३ प ९९८२ नम्बरको मोटरसाइकल सहित नियन्त्रणमा लिएको हो ।
पक्राउ परेकाको थप अनुसन्धान भईरहेको छ ।
